A Real Academia Galega de Ciencias nomea ao matemático José Rodríguez científico do ano

"Para moitos, José Rodríguez foi o primeiro científico moderno de Galicia". Con estas palabras, a Real Academia Galega de Ciencias (RAGC) valora a José Rodríguez González, o matemático de Bermés (Lalín) que entre o século XVIII e XIX participou en importantes redes e proxectos do ámbito internacional. Rodríguez destacou pola súa implicación en proxectos internacionais de máxima relevancia para a época, como o comisariado español para a medición do Merdiiano de Dunkeque a Basilea, que contribuiu a establecer o metro como unidade de medida universal ou a súa estancia en Londres, onde demostra que a teoría de Newton sobre o achatamento dos polos é correcta. A súa sona internacional chegou aos oídos do emperador ruso Alexandre II, quen lle ofreceu a dirección do Observatorio Astronómico de San Petesburgo, aínda que o rexeitou pola do Observatorio de Madrid. Foi catedrático na USC entre 1812 e 1814. Foi propietario dunha das coleccións minerais máis importantes do mundo, hoxe depositada no Museo de Historia Natural da USC. Determinou tamén que en Lalín se atopaba o quilómetro cero de Galicia.