O Salón Teatro, en Santiago de Compostela, acollía este 30 de novembro a gala de entrega do II Premio Manu Lago de Novo Circo Galego. O Premio de Recoñecemento foi nesta xeira para José Luis Rodríguez Kote, "veterano artista de circo e figura indispensable na historia do circo galego".
Segundo sinala a Asociación de Profesionais do Circo de Galicia (APCG), que organiza os galardóns, "Kote forma parte da xeración que iniciou a práctica profesional do circo na rúa en Galicia, especialmente na Praza das Praterías, onde abriu camiños e inspirou a numerosos artistas -entre eles Pablo Reboleiro e o propio Manu Lago-. O galardón destaca a súa traxectoria vital, a súa dedicación absoluta á arte circense e a súa extraordinaria calidade humana".
Canda a el, o premio ao Mellor Espectáculo de Rúa foi poara Hoxe si! da compañía Sempre Arriba, mentres Arturo Cobas e Natalia Pajarito fixéronse co galardón á mellor montaxe de sala con Bagaxe. As persoas socias da APCG decidiron as candidaturas gañadoras dos galardóns mediante dúas roldas de votacións.
