O cadro A derradeira lección do mestre exhibirase no Museo de Pontevedra entre xuño e setembro, e contará cunha musealización específica que o "vincule coas pezas que lle deron forma e motivo, e que se conservan no museo", explico a directora do Museo de Pontevedra, Ángeles Tilve, nunha entrevista ao Diario de Pontevedra. Tilve, quen acaba de ganar o concurso para a dirección do Museo, que ata agora ocupaba de xeito provisional, sinala que da mostra formará parte o manuscrito de Co pensamento en Galiza ou a estampa orixinal do álbum Galicia mártir. "A súa exhibición estará vinculada co 90º aniversario da aprobación do Estatuto de Autonomía de 1936 e co 90ª aniversario do fusilamento de Alexandre Bóveda, o acontecemento que lle provoca ese desgarro a Castelao", explicou Tilve.
