Foto: Fanzine Fest
Sete días, sete espazos, 32 artistas, esa é a presentación en cifras da XIª edición do Fanzine Fest da Coruña que comeza este luns, 1 de decembro. O festival de música electrónica organizado polo selo Fanzine Project comezará hoxe no Planetario da cidade herculina con espectáculo en directo a cargo de Boneco e Hey Pablo!, dous dos moitos artistas galegos que o cartel deste ano ofrece e que son maioría entre outros internacionais ou estatais, reflectindo así a boa saúde creativa do xénero no país.
O festival distribuirase por diferentes espazos da cidade, dando lugar a experiencias moi diferentes en cada espectáculo e cada lugar. Así a sitios singulares xa usados en anteriores ocasións como a Domus, A Fundación Luís Seoane ou A Igrexa das Capuchinas, súmase o Museo de Bellas Artes ou o Teatro Colón, onde artistas e público compartirán o escenario. Como é habitual a Sala O Tunel acollerá a sesión de peche na que participarán unha ducia de artistas. O evento ofrece tamén unha programación de obradoiro e charlas, dúas dirixidas ao público infantil e outras dúas para adultos, centradas en creación de profesionalización. O Fanzine Fest fai un achegamento á arte electrónica musical e visual, con atención ás vangardas e á experimentación.
