O seu "proxecto educativo no fomento da cultura científica e tecnolóxica" valeulle ao público IES Plurilingüe Rosalía de Castro de Santiago facerse co Premio de Divulgación Científica 2023 que outorga a Real Academia Galega de Ciencias. A institución, que concedeu o recoñecemento por unanimidade, galardoa co mesmo "a traxectoria dunha persoa ou dun programa orientado á difusión ou divulgación da ciencia en Galicia". En edicións anteriores recibírono Manuel Luis Casalderrey García, Ramón Núñez Centella e Jorge Mira.
Segundo sinala o fallo do galardón, "o Instituto Rosalía de Castro ten como obxectivo que o seu alumnado cultive a curiosidade e desenvolva habilidades para a indagación e a investigación. Deste xeito, senta as bases dunha cultura científica entre o estudantado da ESO, Bacharelato, STEAMbach, ciclos de FP e ESA, que lles permite acceder de xeito máis doado á investigación na universidade". Entre outras propostas, a Academia destaca actividades como o Premio Stephen Hawking, o Premio IN, ou a participación na Semana da Ciencia, no Rally Matemático sen Fronteiras, nas Olimpiadas Científicas ou no Día da nena e a muller na ciencia.
Con este galardón, "a Real Academia Galega de Ciencias quere tamén valorar o traballo nos centros de Secundaria á hora de captar vocacións e estender este recoñecemento a todos os institutos que inclúan este ideal no seu traballo diario", destaca a institución.
O xurado desta edición estivo composto polos académicos da RAGC Ángel Carracedo, que actuou como presidente; Minia Manteiga como secretaria e Antonio Ballester, Antonio Rigueiro e José Ramón Cancelo.
Segundo sinala o fallo do galardón, "o Instituto Rosalía de Castro ten como obxectivo que o seu alumnado cultive a curiosidade e desenvolva habilidades para a indagación e a investigación. Deste xeito, senta as bases dunha cultura científica entre o estudantado da ESO, Bacharelato, STEAMbach, ciclos de FP e ESA, que lles permite acceder de xeito máis doado á investigación na universidade". Entre outras propostas, a Academia destaca actividades como o Premio Stephen Hawking, o Premio IN, ou a participación na Semana da Ciencia, no Rally Matemático sen Fronteiras, nas Olimpiadas Científicas ou no Día da nena e a muller na ciencia.
Con este galardón, "a Real Academia Galega de Ciencias quere tamén valorar o traballo nos centros de Secundaria á hora de captar vocacións e estender este recoñecemento a todos os institutos que inclúan este ideal no seu traballo diario", destaca a institución.
O xurado desta edición estivo composto polos académicos da RAGC Ángel Carracedo, que actuou como presidente; Minia Manteiga como secretaria e Antonio Ballester, Antonio Rigueiro e José Ramón Cancelo.
