É habitual, sobre os eventos de entrega de premios, ler ou escoitar aquilo de que se trata de "unha gala para o recordo", facendo fincapé na proxección do momento para a posteridade. Nesta ocasión os Premios Mestre Mateo da Academia Galega do Audiovisual celebraban unha edición que reunía características moi especiais, que sen dúbida daban xa para valorala así a priori. Así o indicaban feitos como a celebración dunha cifra redonda de 20 anos de premios, a volta á reunión do sector tras estes dous anos de pandemia e ademais a aposta por un formato de evento diferente. Pero ademais de todo iso a propia proposta discursiva elevaba o momento de recordo a "auto-recordo" porque a propia historia destes vinte anos de premios estivo presente de xeito constante, xa fora con fragmentos de vídeo das anteriores edicións como a través do elenco de presentadores, máis coral que nunca, todos eles con antecedentes na intra-historia destes galardóns. Ademais de todo iso o momento máis intenso e emocional da noite tamén foi o de un recordo, o que se fixo en concreto para unha ausencia moi recente e dolorosa, a do actor Pedro Brandariz.
O recinto feiral Expocoruña acollía este ano, por vez primeira, a celebración da gala de entrega dos recoñecementos da industria audiovisual galega que xa pasaron por varios espazos da cidade herculina durante unha década continuada. As circunstancias da pandemia fixeron mudar xa o pasado ano o formato, para facelo moi restrinxido en canto a asistencia, celebrando a súa XIXª edición no Teatro Colón dun xeito moi circunstancial, sen poder servir para ese encontro da profesión como era o seu obxectivo histórico. Neste caso desde a AGA optaron por crear unhas condicións de reunión diferentes, cando aínda había moitas dúbidas de cales serían as posibilidades que permitiría a situación sanitaria. Un espazo moi aberto, cunha separación por grupos, con amplos accesos e vías de desprazamento e coa xente máis quieta que mesturada foi a solución achada, coa que ademais a Academia pasaba do formato clásico de premios tipo 'Oscar' en auditorio, ao dos tamén reputados Golden Globes, máis achegados a unha cea-gala, cos invitados sentados arredor de mesas nas que ademais se servían alimentos nos momentos previos e bebidas, deixando para a sobremesa a entrega dos premios. A montaxe final do evento viuse alterada respecto ao previsto polo contexto da folga de transporte, que afectou a diferentes mercadorías como as mesas, cadeiras e mesmo á alfombra vermella, malia o que a organización conseguiu sacara todo adiante. Segundo a AGA, a folga tamén está a afectar para a desmontaxe arestora, xa que non hai dispoñibles camións para sacar todo o material de montaxe de luz, pantallas, estruturas, etc...
Co lema 'Vaia fauna. Canto talento' a AGA enmarcaba estes premios nun escenario e reminiscencias selváticas reunindo á súa tribo toda arredor de ducias de mesas e cun sentido de comunidade que ser reflectía no elenco coral de presentadores escollidos, na amenización musical co coro feminino Sisters in the House e mesmo co palmarés final do reparto de premios. O actor Chechu Salgado, recente premio Goya a Mellor actor revelación uníase a veteranos da presentación da gala como Javier Veiga, Iolanda Muíños, Lucía Veiga, Alba Mancebo, Isabel Blanco, Moncho Lemos, Alfonso Agra, Mela Casal, Santi Prego e Blanca Cendán para ir anunciando as gañadoras. Malia os intentos dos condutores por lembrar a necesidade de limitar as intervencións nas recollidas, foi imposible evitar que a gala se prolongase algo máis alá das dúas horas e media que tiña programadas.
O palmarés desta XXª edición abríase co Premio a mellor actor de reparto, que recollía Diego Anido polo seu traballo en 'Malencolía'. A película de Alfonso Zarauza, quen triunfou na edición do pasado ano con 'Ons' recollendo 9 premios, obtivo este premio e o de Mellor Actriz de reparto, que recolleu Iolanda Muíños. A etiqueta de produción vitoriosa volveu, dous anos despois, á serie Hierro de Portocabo produción para Movistar+. A segunda temporada deste serial policíaco resultou o máis premiada con 6 galardóns, dous máis dos que conseguira a súa primeira temporada dous anos antes nos Mestre Mateo. Neste caso a produción dirixida por Jorge Coira, que xa viña apoiada con outros premios audiovisuais este mesmo ano, acadaba o de Mellor Serie de TV; Mellor Dirección para Jorge Coira; Mellor Dirección de Produción paran Ana Míguez; Mellor Guión para o equipo de Pepe Coira, Fran Araújo, Araceli Gonda, Lidia Fraga e Eligio R. Montero; Mellor Montaxe e Mellor Música Orixinal para Elba Fernández e Xavi Font.
A sombra de Brandariz non é alongada, é ampla e cálida
A XXª edición do Premios Mestre Mateo quedará sempre no recordo tamén xustamente porque, máis alá das lembranzas aos falecidos do sector feitas no "in memoriam" producíase un momento moi especial e fondamente emotivo ao entregarse o Premio ao Mellor Actor Protagonista de xeito póstumo ao recentemente falecido Pedro Brandaríz. O prematuramente desaparecido intérprete xa estaba a ser lembrado nas recollidas dos outros tres premios que acadou a longametraxe 'Jacinto' de Javi Camino pola Mellor Dirección de Arte; Mellor Maquillaxe e Perruquería e Mellor Vestiario. Pero no intre que o seu nome se leu no sobre, a ovación de todos os presentes, postos en pé, foi tan longa como fondamente sentida, facendo a súa aparición as bágoas no recinto. Fran Rei, compañeiro de Brandariz, insistía no moito que ao desaparecido actor lle tería gustado recoller ese galardón e remarcaba a inxustiza do destino cun sentido "Que putada!" entre bágoas. A conincidencia fixo que se entregase este ano este premio a título póstumo, como xa se fixo fai dous anos con Xan Cejudo naquela edición da que tamén saíu triunfante 'Hierro'. O nome de Brandaríz estivo tamén moi presente no recordo coa entrega do Premio á Mellor Webserie para 'Mataría Microserie', da que tamén formaba parte, nunha categoría na que o cómico xa recibirá galardóns en edicións anteriores.
Outros nomes propios tomaron tamén a noite, marcándoa xa na Historia destes galardóns. Foi o caso da cineasta e académica Margarita Ledo, que acudiu a recoller o premio de honra Fernando Rey e recibir a homenaxe do sector audiovisual en recoñecemento á súa traxectoria "comprometida coa reflexión, a creación, o feminismo e a nosa lingua". A realizadora, investigadora e escritora subiu ao escenario de Expocoruña rodeada da equipa feminina da súa produción 'Nación', co que o pasado ano obtivo o Premio Mestre Mateo ao mellor documental. Os premios do audiovisual galego tamén tiveron presentes a outros dos nomes do ano. As Tanxugueiras subían ao escenario nesta ocasión non a cantar, senón para recibir, xunto á equipa da produtora 13 Amarillo e Playplan, o premio a Mellor Videoclip para 'Figa'.
Tres para Tres
O último premio da noite, o de mellor longametraxe, foi parar á película Tres, que tamén gañou os Mestre Mateo a Mellor actriz protagonista para Marta Nieto e Mellor son para Daniel Fontrodona, Oriol Tarragó, Marc Bech e Marc Orts. O palmarés completouse con 'A Virxe Roxa', de Marcos Nine, que foi votado polas académicas e académicos como mellor documental e #DígochoEu, de CRTVG, como mellor programa. Este último tamén recibiu o galardón a mellor comunicadora para Esther Estévez Casado. Redes Vivas, de Metronoventa Creatividad e Producción Publicitaria, foi distinguido co premio a mellor anuncio publicitario e 'Augas abisais', de Rebordelos, o de mellor curtametraxe. O resto de premiados da noite foron Jairo Iglesias a mellor realización por Origen; Lucía C. Pan a mellor dirección de fotografía por ¿Qué hicimos mal?, e Mataría Microserie, de Dinamo Producións e Javi Sega Producciones, como mellor serie web. Finalmente a comedia 'Cuñados' que entrou no recinto como gran favorita da noite ao ter ata 16 candidaturas finalistas saíu de Expocoruña sen ningunha estatua outorgada pola fauna do audiovisual galego.
CATEGORÍAS DE PRODUCIÓN
Mellor Anuncio Publicitario: Redes Vivas | Metronoventa Creatividad e Producción
Publicitaria
Mellor Curtametraxe: Augas Abisais | Rebordelos
Mellor Documental: A Virxe Roxa | Recrea Films
Mellor Longametraxe: Tres | Tres La Película Frida Nadir AIE, Frida Films, M-Films e
Manny Films
Mellor Programa: #DígochoEu (Cap. 336-676) | CRTVG, S.A.
Mellor Serie de TV: Hierro (Cap. 1-6 da tempada 2) | Movistar e Portocabo en
colaboración con Arte France e Atlantique Productions
Mellor Serie Web: Mataría Microserie (Cap. 41-49) | Dinamo Producións e Javi Sega
Producciones
Mellor Videoclip: Figa (Tanxugueiras) | Trece Amarillo e PlayPlan
CATEGORÍAS PROFESIONAIS
Mellor Comunicador/a: Esther Estévez Casado | #DígochoEu, Apuntamento lusófono
(Cap. 1-20)
Mellor Dirección: Jorge Coira | Hierro (Cap. 1-6 da tempada 2)
Mellor Dirección de Arte: Samuel Lema | Jacinto
Mellor Dirección de Fotografía: Lucía C. Pan | ¿Qué hicimos mal?
Mellor Dirección de Produción Ana Míguez | Hierro (Cap. 1-6 da tempada 2)
Mellor Guión: Pepe Coira, Fran Araújo, Araceli Gonda, Lidia Fraga, Eligio R. Montero |
Hierro (Cap. 1-6 da tempada 2)
Mellor Interpretación Feminina de Reparto: Iolanda Muíños | Malencolía
Mellor Interpretación Feminina Protagonista: Marta Nieto | Tres
Mellor Interpretación Masculina de Reparto: Diego Anido | Malencolía
Mellor Interpretación Masculina Protagonista: Pedro Brandariz | Jacinto
Mellor Maquillaxe e Perruquería: Lorena Calvo | Jacinto
Mellor Montaxe: Jorge Coira Gaspar Broullón, Juan Galiñanes | Hierro (Cap. 1-6 da
tempada 2)
Mellor Música Orixinal: Elba Fernández, Xavi Font | Hierro (Cap. 1-6 da tempada 2)
Mellor Realización: Jairo Iglesias | Origen (Cap. 1-4)
Mellor Son: Daniel Fontrodona, Oriol Tarragó, Marc Bech, Marc Orts | Tres
Mellor Vestiario: Lorena Calvo | Jacinto
O recinto feiral Expocoruña acollía este ano, por vez primeira, a celebración da gala de entrega dos recoñecementos da industria audiovisual galega que xa pasaron por varios espazos da cidade herculina durante unha década continuada. As circunstancias da pandemia fixeron mudar xa o pasado ano o formato, para facelo moi restrinxido en canto a asistencia, celebrando a súa XIXª edición no Teatro Colón dun xeito moi circunstancial, sen poder servir para ese encontro da profesión como era o seu obxectivo histórico. Neste caso desde a AGA optaron por crear unhas condicións de reunión diferentes, cando aínda había moitas dúbidas de cales serían as posibilidades que permitiría a situación sanitaria. Un espazo moi aberto, cunha separación por grupos, con amplos accesos e vías de desprazamento e coa xente máis quieta que mesturada foi a solución achada, coa que ademais a Academia pasaba do formato clásico de premios tipo 'Oscar' en auditorio, ao dos tamén reputados Golden Globes, máis achegados a unha cea-gala, cos invitados sentados arredor de mesas nas que ademais se servían alimentos nos momentos previos e bebidas, deixando para a sobremesa a entrega dos premios. A montaxe final do evento viuse alterada respecto ao previsto polo contexto da folga de transporte, que afectou a diferentes mercadorías como as mesas, cadeiras e mesmo á alfombra vermella, malia o que a organización conseguiu sacara todo adiante. Segundo a AGA, a folga tamén está a afectar para a desmontaxe arestora, xa que non hai dispoñibles camións para sacar todo o material de montaxe de luz, pantallas, estruturas, etc...
Co lema 'Vaia fauna. Canto talento' a AGA enmarcaba estes premios nun escenario e reminiscencias selváticas reunindo á súa tribo toda arredor de ducias de mesas e cun sentido de comunidade que ser reflectía no elenco coral de presentadores escollidos, na amenización musical co coro feminino Sisters in the House e mesmo co palmarés final do reparto de premios. O actor Chechu Salgado, recente premio Goya a Mellor actor revelación uníase a veteranos da presentación da gala como Javier Veiga, Iolanda Muíños, Lucía Veiga, Alba Mancebo, Isabel Blanco, Moncho Lemos, Alfonso Agra, Mela Casal, Santi Prego e Blanca Cendán para ir anunciando as gañadoras. Malia os intentos dos condutores por lembrar a necesidade de limitar as intervencións nas recollidas, foi imposible evitar que a gala se prolongase algo máis alá das dúas horas e media que tiña programadas.
O palmarés desta XXª edición abríase co Premio a mellor actor de reparto, que recollía Diego Anido polo seu traballo en 'Malencolía'. A película de Alfonso Zarauza, quen triunfou na edición do pasado ano con 'Ons' recollendo 9 premios, obtivo este premio e o de Mellor Actriz de reparto, que recolleu Iolanda Muíños. A etiqueta de produción vitoriosa volveu, dous anos despois, á serie Hierro de Portocabo produción para Movistar+. A segunda temporada deste serial policíaco resultou o máis premiada con 6 galardóns, dous máis dos que conseguira a súa primeira temporada dous anos antes nos Mestre Mateo. Neste caso a produción dirixida por Jorge Coira, que xa viña apoiada con outros premios audiovisuais este mesmo ano, acadaba o de Mellor Serie de TV; Mellor Dirección para Jorge Coira; Mellor Dirección de Produción paran Ana Míguez; Mellor Guión para o equipo de Pepe Coira, Fran Araújo, Araceli Gonda, Lidia Fraga e Eligio R. Montero; Mellor Montaxe e Mellor Música Orixinal para Elba Fernández e Xavi Font.
A sombra de Brandariz non é alongada, é ampla e cálida
A XXª edición do Premios Mestre Mateo quedará sempre no recordo tamén xustamente porque, máis alá das lembranzas aos falecidos do sector feitas no "in memoriam" producíase un momento moi especial e fondamente emotivo ao entregarse o Premio ao Mellor Actor Protagonista de xeito póstumo ao recentemente falecido Pedro Brandaríz. O prematuramente desaparecido intérprete xa estaba a ser lembrado nas recollidas dos outros tres premios que acadou a longametraxe 'Jacinto' de Javi Camino pola Mellor Dirección de Arte; Mellor Maquillaxe e Perruquería e Mellor Vestiario. Pero no intre que o seu nome se leu no sobre, a ovación de todos os presentes, postos en pé, foi tan longa como fondamente sentida, facendo a súa aparición as bágoas no recinto. Fran Rei, compañeiro de Brandariz, insistía no moito que ao desaparecido actor lle tería gustado recoller ese galardón e remarcaba a inxustiza do destino cun sentido "Que putada!" entre bágoas. A conincidencia fixo que se entregase este ano este premio a título póstumo, como xa se fixo fai dous anos con Xan Cejudo naquela edición da que tamén saíu triunfante 'Hierro'. O nome de Brandaríz estivo tamén moi presente no recordo coa entrega do Premio á Mellor Webserie para 'Mataría Microserie', da que tamén formaba parte, nunha categoría na que o cómico xa recibirá galardóns en edicións anteriores.
"Fran Rei insistía no moito que ao desaparecido actor lle tería gustado recoller ese galardón e remarcaba a inxustiza do destino cun sentido "Que putada!" entre bágoas"
Outros nomes propios tomaron tamén a noite, marcándoa xa na Historia destes galardóns. Foi o caso da cineasta e académica Margarita Ledo, que acudiu a recoller o premio de honra Fernando Rey e recibir a homenaxe do sector audiovisual en recoñecemento á súa traxectoria "comprometida coa reflexión, a creación, o feminismo e a nosa lingua". A realizadora, investigadora e escritora subiu ao escenario de Expocoruña rodeada da equipa feminina da súa produción 'Nación', co que o pasado ano obtivo o Premio Mestre Mateo ao mellor documental. Os premios do audiovisual galego tamén tiveron presentes a outros dos nomes do ano. As Tanxugueiras subían ao escenario nesta ocasión non a cantar, senón para recibir, xunto á equipa da produtora 13 Amarillo e Playplan, o premio a Mellor Videoclip para 'Figa'.
Tres para Tres
O último premio da noite, o de mellor longametraxe, foi parar á película Tres, que tamén gañou os Mestre Mateo a Mellor actriz protagonista para Marta Nieto e Mellor son para Daniel Fontrodona, Oriol Tarragó, Marc Bech e Marc Orts. O palmarés completouse con 'A Virxe Roxa', de Marcos Nine, que foi votado polas académicas e académicos como mellor documental e #DígochoEu, de CRTVG, como mellor programa. Este último tamén recibiu o galardón a mellor comunicadora para Esther Estévez Casado. Redes Vivas, de Metronoventa Creatividad e Producción Publicitaria, foi distinguido co premio a mellor anuncio publicitario e 'Augas abisais', de Rebordelos, o de mellor curtametraxe. O resto de premiados da noite foron Jairo Iglesias a mellor realización por Origen; Lucía C. Pan a mellor dirección de fotografía por ¿Qué hicimos mal?, e Mataría Microserie, de Dinamo Producións e Javi Sega Producciones, como mellor serie web. Finalmente a comedia 'Cuñados' que entrou no recinto como gran favorita da noite ao ter ata 16 candidaturas finalistas saíu de Expocoruña sen ningunha estatua outorgada pola fauna do audiovisual galego.
CATEGORÍAS DE PRODUCIÓN
Mellor Anuncio Publicitario: Redes Vivas | Metronoventa Creatividad e Producción
Publicitaria
Mellor Curtametraxe: Augas Abisais | Rebordelos
Mellor Documental: A Virxe Roxa | Recrea Films
Mellor Longametraxe: Tres | Tres La Película Frida Nadir AIE, Frida Films, M-Films e
Manny Films
Mellor Programa: #DígochoEu (Cap. 336-676) | CRTVG, S.A.
Mellor Serie de TV: Hierro (Cap. 1-6 da tempada 2) | Movistar e Portocabo en
colaboración con Arte France e Atlantique Productions
Mellor Serie Web: Mataría Microserie (Cap. 41-49) | Dinamo Producións e Javi Sega
Producciones
Mellor Videoclip: Figa (Tanxugueiras) | Trece Amarillo e PlayPlan
CATEGORÍAS PROFESIONAIS
Mellor Comunicador/a: Esther Estévez Casado | #DígochoEu, Apuntamento lusófono
(Cap. 1-20)
Mellor Dirección: Jorge Coira | Hierro (Cap. 1-6 da tempada 2)
Mellor Dirección de Arte: Samuel Lema | Jacinto
Mellor Dirección de Fotografía: Lucía C. Pan | ¿Qué hicimos mal?
Mellor Dirección de Produción Ana Míguez | Hierro (Cap. 1-6 da tempada 2)
Mellor Guión: Pepe Coira, Fran Araújo, Araceli Gonda, Lidia Fraga, Eligio R. Montero |
Hierro (Cap. 1-6 da tempada 2)
Mellor Interpretación Feminina de Reparto: Iolanda Muíños | Malencolía
Mellor Interpretación Feminina Protagonista: Marta Nieto | Tres
Mellor Interpretación Masculina de Reparto: Diego Anido | Malencolía
Mellor Interpretación Masculina Protagonista: Pedro Brandariz | Jacinto
Mellor Maquillaxe e Perruquería: Lorena Calvo | Jacinto
Mellor Montaxe: Jorge Coira Gaspar Broullón, Juan Galiñanes | Hierro (Cap. 1-6 da
tempada 2)
Mellor Música Orixinal: Elba Fernández, Xavi Font | Hierro (Cap. 1-6 da tempada 2)
Mellor Realización: Jairo Iglesias | Origen (Cap. 1-4)
Mellor Son: Daniel Fontrodona, Oriol Tarragó, Marc Bech, Marc Orts | Tres
Mellor Vestiario: Lorena Calvo | Jacinto
Serie
XX Premios Mestre Mateo do Audiovisual
'Hierro' repite triunfo coa súa segunda temporada nunha gala que tivo moi presente a Pedro Brandariz
