Este 1 de xullo de 2020 bota a andar o primeiro dos obradoiros de escrita creativa en liña de Tecedeiras. Este novo colectivo orientado a formación e composto polos autores Mario Regueira, Lorena Souto e Eduardo Estévez, aposta pola dinámica en liña como un dos seus eixes fundamentais de traballo. A partir da experiencia desenvolvida durante o confinamento, Tecedeiras propón sesións semanais de dúas horas para tres grupos, cun máximo de sete persoas por grupo.
A dinámica destes obradoiros baséase no comentario colectivo de textos dos participantes "un proceso talvez máis lento pero que permite interiorizar moito mellor os conceptos e comprender como as cuestións técnicas teñen aplicación real nos textos concretos", segundo explican na presentación do proxecto. A empresa non desbota iniciar actividades presenciais de formación literaria segundo as circunstancias o permitan.
