Eduardo Estévez faise co premio de poesía González Garcés

Construcións é o título do poemario co que Eduardo Estévez levaba esta mañá a XIV Edición do Premio González Garcés de Poesía. Segundo Manuel Forcadela, voceiro do xurado, na obra valoraron "a contemporaneidade da súa escrita e a aposta do autor pola renovación da nosa tradición estética". Estévez, nado en Bos Aires, leva os 6.500 euros do primeiro premio e mais a publicación da obra sufragada pola Deputación da Coruña, que organiza o certame.