Dezasete editoras galegas participan na Feira Liber de Madrid

O nove de outubro abría as súas portas en Madrid a Feira Internacional do Libro Liber. Dezasete editoras galegas participan neste evento que se desenvolve ata o vindeiro día 11. Destas, trece firmas participan como expositoras do posto que promove a Consellaría de Cultura na cita, mentres outras catro están presentes no evento a través doutros stands e dúas firmas duplican presenza ao contar tamén con espazos propios.

Alvarellos Editora, Hércules de Ediciones, Kalandraka Editora, Baía Edicións, Triqueta Verde, Bululú, Edicións do Cumio, Tulipa Editorial, Edicións Fervenza, KNS Ediciones, OQO Editora e a Editorial Galaxia son as firmas que participan do posto galego en colaboración cun programa de axudas de CEDRO, mentres Bolanda Edicións, Auga Editora, Edicións Xerais de Galicia, Toxosoutos e Edicións Embora contan con espazos á parte. Kalandraka Editora e Edicións do Cumio-Arnoia Distribuidora contan tamén con postos propios no evento.

As mesmas firmas participarán entre os vindeiros 16 e 20 de outubro na Feira Internacional do Libro de Frankfurt. A representación, coordinadas coas Asociación Galega de Editoras, achegará o catálogo Galician Books|Foreign Rights para promover a tradución de obras de autoría galego. O proxecto conta coa colaboración da Asociación de Escritoras e Escritores en Lingua Galega (AELG) e a Xunta de Galicia.