Resurrection Fest vende todo o papel con nove meses de antelación

O festival de rock metal Resurrection Fest de Viveiro deu onte un golpe na mesa reivindicando o seu poderío no multitudinario panorama de festivais estatal cun histórico sold out. Grazas aos seus fieis colocaba en apenas cinco horas todo o papel de abonos que tiña dispoñible para a súa XVª edición para a que aínda faltan nove meses (o vindeiro 1 de xullo) e marcaba un fito na súa propia historia. Malia que as súas vendas de abonos temperás de outros anos xa eran sobradamente exitosas este ano o festival acadou unha nova marca ao colocar os seus 27.000 abonos no mesmo día que os sacaba a venda e movendo así máis de tres millóns de euros de despacho de billetes. Desde as 11 da mañá foron saíndo á venda milleiros de abonos a diferentes prezos en crecemento desde os 105 euros iniciais ata os 145 euros da derradeira promoción desapareceron en apenas unha hora e media. Xa no prezo final de 155 euros os abonos restantes apenas duraron ata as 16:00 horas, momento no que a organización comunicaba o seu soldo ut