Marelas Teatro estréase con 'Liberto'

Tamara Canosa, Luísa Romero e María Vázquez montaron a compañía Marelas Teatro trras encontrarse co texto Liberto de Gemma Brió e convencidas de que esa era a maneira axeitada de levalo á escena. A obra, protagonizada por Rocío González, Cris Iglesias e Lucía Aldao estreouse onte –igual que a propia compañía- no Teatro Colón e comezará en breve a súa distribución. No quen é outra estrea persoal Tamara Canosa dirixiu a montaxe, para a que tamén se conta con coreografía de Rut Balbís, que toma vida nun espazo escénico sen definir que ben podería ser unha sala de espera e na que tres mulleres revisan os límites socialmente acordados. Cando nace Liberto a vida de Ada frea en seco. Un relato honesto de como xestionar a dor e de como seguir avanzando. Un proceso pegado ao primitivo, á conexión coa parte animal e cheo de vitalismo. Marelas busca nesta obra ofrecer unha experiencia teatral "distinta e intensa", en palabra de Canosa aos medios.

Liberto from Marelas Teatro on Vimeo.