As mulleres son desde hai tempo maioría nos estudos universitarios, pero as grandes porcentaxes agochan desigualdades persistentes con raíces desde as etapas educativas máis temperás. En pleno século XXI, os prexuízos de xénero seguen tanto a afastar as mozas de certas escollas formativas e profesionais como a frear as súas carreiras. Co propósito de erradicalos no que atinxe á ciencia e á tecnoloxía, a Unesco declarou a finais de 2015 o 11 de febreiro o Día Internacional da Muller e da Nena na Ciencia. Galicia celebra estes días a segunda edición con distintas iniciativas de institucións como a Universidade de Vigo ou o Muncyt.
"Historicamente, sempre se minimizou, e incluso se ocultou, o papel das mulleres nos avances científicos. Coa fin de darlle a volta a esta situación, cómpre facer un esforzo extra nesta dirección, facendo partícipes dese proceso as rapazas dende moi novas", salienta Verónica Salgueiriño. A investigadora da UVigo é unha das impulsoras desta celebración en Galicia e España, tanto por convicción persoal como pola súa pertenza á división de física do estado sólido da Real Sociedade Española de Física, que puxo especial empeño en que o case acabado de nacer 11 de febreiro e as súas reivindicacións callen. Os resultados poden apreciarse na páxina https://11defebrero.org, onde pode consultarse parte da programación organizada arredor desta data en Galicia e no resto de España.
Entre as propostas galegas, a UVigo celebra esta semana charlas divulgativas destinadas ao alumnado da ESO impartidas polas profesoras da Facultade de Ciencias África González, Isabel Pastoriza e Belén Rubio, e obradoiros sobre distintos temas científicos dirixidos a rapazas dos últimos cursos da secundaria obrigatoria. A Oficina para a Igualdade de Xénero de la Universidade da Coruña, en colaboración con la asociación de Mulleres Investigadoras e Tecnólogas en Galicia, AMIT-Gal e o Concello de Ferrol, programou nunha liña similar visitas de científicas a centros de ensino. Tamén a través da súa oficina de igualdade, a Universidade de Santiago de Compostela inaugura este venres 10 de febreiro, na Biblioteca Concepción Arenal, a exposición Mulleres no laboratorio: primeiras científicas da USC, da investigadora da USC Xoana Pintos Barral. A estas ofertas hai que sumar as iniciativas de profesorado de distintos institutos desenvolvidas internamente
O propio sábado 11 de febreiro o campus de Ourense acollerá a entrega de premios do concurso de debuxo e redacción sobre as mulleres científicas que convocou a Unidade de Igualdade da UVigo, dirixido a alumnado de primaria e ESO. Previamente, Verónica Salgueiriño impartirá unha charla sobre nanociencia. Na Coruña, o Museo Nacional de Ciencia y Tecnología (Muncyt) ofrecerá outra de Fernando J. Ballesteros Roselló, titulada As mulleres da Lúa, e obradoiros científicos para menores de 8 a 12 anos.
"Historicamente, sempre se minimizou, e incluso se ocultou, o papel das mulleres nos avances científicos. Coa fin de darlle a volta a esta situación, cómpre facer un esforzo extra nesta dirección, facendo partícipes dese proceso as rapazas dende moi novas", salienta Verónica Salgueiriño. A investigadora da UVigo é unha das impulsoras desta celebración en Galicia e España, tanto por convicción persoal como pola súa pertenza á división de física do estado sólido da Real Sociedade Española de Física, que puxo especial empeño en que o case acabado de nacer 11 de febreiro e as súas reivindicacións callen. Os resultados poden apreciarse na páxina https://11defebrero.org, onde pode consultarse parte da programación organizada arredor desta data en Galicia e no resto de España.
Entre as propostas galegas, a UVigo celebra esta semana charlas divulgativas destinadas ao alumnado da ESO impartidas polas profesoras da Facultade de Ciencias África González, Isabel Pastoriza e Belén Rubio, e obradoiros sobre distintos temas científicos dirixidos a rapazas dos últimos cursos da secundaria obrigatoria. A Oficina para a Igualdade de Xénero de la Universidade da Coruña, en colaboración con la asociación de Mulleres Investigadoras e Tecnólogas en Galicia, AMIT-Gal e o Concello de Ferrol, programou nunha liña similar visitas de científicas a centros de ensino. Tamén a través da súa oficina de igualdade, a Universidade de Santiago de Compostela inaugura este venres 10 de febreiro, na Biblioteca Concepción Arenal, a exposición Mulleres no laboratorio: primeiras científicas da USC, da investigadora da USC Xoana Pintos Barral. A estas ofertas hai que sumar as iniciativas de profesorado de distintos institutos desenvolvidas internamente
O propio sábado 11 de febreiro o campus de Ourense acollerá a entrega de premios do concurso de debuxo e redacción sobre as mulleres científicas que convocou a Unidade de Igualdade da UVigo, dirixido a alumnado de primaria e ESO. Previamente, Verónica Salgueiriño impartirá unha charla sobre nanociencia. Na Coruña, o Museo Nacional de Ciencia y Tecnología (Muncyt) ofrecerá outra de Fernando J. Ballesteros Roselló, titulada As mulleres da Lúa, e obradoiros científicos para menores de 8 a 12 anos.
