Imaxe do incunable Speculum finais retrinutionis
Os 3.214 volumes que conforman o fondo bibliográfico e documental de Abanca foron recoñecidos onte polo Consello de Goberno da Xunta como Ben de Interese Cultural. Esta colección acada así a máxima protección que existe na nosa lexislación, o que obrigará preservala na súa integridade e a sitúa baixo a supervisión da Administración. Pendente de se publicar a orde no Diario Oficial de Galicia, a decisión da Xunta contou con informes favorables da Facultade de Xeografía e Historia da Universidade de Santiago e mais do Consello da Cultura Galega. A colección inclúe facsímiles, incunables, fondos de economía e doutros materias e mais unha colección de autógrafos de grande importancia.
Queda pendente aínda a declaración de dúas outras coleccións propiedade desta entidade financeira. Trátase da colección NovaGalicia Banco, que comprende 1.343 pezas de arte, e mais a colección Novacaixagalicia, que inclúe 5.638 obras de máis de mil autores
