O compositor Sergio Moure
O compositor coruñés Sergio Moure, especializado en bandas sonoras, presentou a edición en formato CD da súa Sinfonía Bergantiños, unha obra en tres momvemtnos titulados Lembranzas, Sisargas e Carballo. Foi na sede da SGAE en Santiago de Compostela e contou coa participación de representantes políticos e xestores de Carballo. A obra está tamén dispoñible para a súa escoita de balde en Spotify. Moure, recoñecido compositor de bandas sonoras para cine, expresa na Sinfonía a súa memoria de infancia ao redor das terras de Bergantiños e Carballo, e compón unha obra chea de ritmo épico e con chiscadeiras á música tradicional galega e as cantareiras. A Sinfonía Bergantiños está interpretada pola Orquestra Gaos.
