Dous anos despois de presentar a primeira proposta, a Xunta de Galicia aprobaba, no seu Consello de onte a delimitación oficial do Camiño Inglés a Santiago de Compostela. O trazado definitivo, segundo recolle a nota informativa da Xunta, "é a suma de dous itinerarios de peregrinación apoiados sobre dous camiños tradicionais de longa distancia: o camiño real de Santiago a Ferrol e o camiño real de Santiago á Coruña, sendo ambos coincidentes desde a súa confluencia no lugar das Travesas". A vÃa transcorre polos concellos de Ferrol, Narón, Neda, Fene, Cabanas, Pontedeume, Miño, Paderne, Betanzos, Abegondo, A Coruña, Culleredo, Cambre, Carral, MesÃa, Ordes, Oroso e Santiago de Compostela.
Logo de estudar as 35 alegacións que se presentaron sobre o proxecto inicial, que se daba a coñecer en 2012, a Dirección Xeral do Patrimonio Cultural realizou modificacións de escasa relevancia que afecta a un 4,74% na liña de traza e algo máis do 1% do territorio considerado histórico. As mudanzas afectan aos concellos de Ferrol, Narón, Oroso e Santiago de Compostela. A incoación do procedemento de delimitación desta vÃa xacobea comezara en 1997.
Logo de estudar as 35 alegacións que se presentaron sobre o proxecto inicial, que se daba a coñecer en 2012, a Dirección Xeral do Patrimonio Cultural realizou modificacións de escasa relevancia que afecta a un 4,74% na liña de traza e algo máis do 1% do territorio considerado histórico. As mudanzas afectan aos concellos de Ferrol, Narón, Oroso e Santiago de Compostela. A incoación do procedemento de delimitación desta vÃa xacobea comezara en 1997.