O carácter de ponte de LuÃs Seoane entre a emigración, o exilio e a Galicia sirve de decisión simbólica de comezar cun ambicioso proxecto de recuperación da correspondencia entre destacadas figuras da cultura galega, ao que seguirán tamén os epistolarios de figuras como ValentÃn Paz Andrade ou Silvio Santiago, ata agora inéditas e en arquivos privados.
Un xeito innovador de ler correspondencia histórica
O Epistolario de LuÃs Seoane é unha iniciativa inédita, que permite ao usuario adentrarse na complexa rede de relacións persoais de LuÃs Seoane coa intelectualidade latinoamericana e galega a través da consulta liñal e cruzada de máis de 1.600 misivas enviadas por Seoane ou remitidas ao artista por parte dalgúns dos artistas e promotores culturais máis relevantes da Arxentina ou Galicia do século XX. En total máis de 200 persoas que reciben ou remiten cartas ao artista.
Os Epistolarios, que poden consultarse no enderezo web epistolarios.consellodacultura.org, son un innovador xeito de acceder a unha inxente e heteroxénea fonte documental. Dixitalizados, editados e contextualizados por un equipo de filólogos e documentalistas, están concebidos e anotados para permitir a navegación horizontal e exploratoria a través de persoas ou temáticas mencionadas nas cartas.
Esta é unha primeira fase de publicación da correspondencia de Seoane, que comprendeu as súas comunicacións persoais coa intelectualidade arxentina e co grupo vigués e de Galaxia.
Nos vindeiros meses irase ampliando a colección de cartas atendendo a outras unidades temáticas, coma o grupo vinculado a Sargadelos e as súas amizades do Exilio.
