Cando se fai un século da visita de Ruth Matilda Anderson a Galicia, a Agrupación Folclórica Cantigas e Agarimos homenaxea esta fotógrafa e etnógrafa cun espectáculo que recolle o seu legado. Anderson propón unha recreación das imaxes da cultura tradicional galega que recolleu a estadounidense con música e baile.
O Auditorio de Galicia, en Santiago de Compostela, acolle este 2 de novembro a estrea desta proposta, que "mestura música, danza, palabra e imaxe, nunha homenaxe visual e emocional á forma en que nos miramos e nos miran", segundo sinala a agrupación.
A proposta combina extractos do diario da investigadora e do seu pai con pezas de baile e música recollidas por nomes da etnomusicoloxía como Alan Lomax ou Dorothé Schubarth, tamén chegados do estranxeiro. Proxeccións fotográficas e traxes e pezas de época fan parte tamén do espectáculo.
A proposta combina extractos do diario da investigadora e do seu pai con pezas de baile e música recollidas por nomes da etnomusicoloxía como Alan Lomax ou Dorothé Schubarth, tamén chegados do estranxeiro. Proxeccións fotográficas e traxes e pezas de época fan parte tamén do espectáculo.
