A Deputación de Pontevedra inicia o seu plan de posta en valor de castros

A Deputación de Pontevedra está decidida a apostar polo turismo cultural, ou así se pretente co "Plan provincial aproveitamento de castros e recursos galaico-romanos", que se vén de iniciar con actuacións na citania de Santa Trega (A Guarda) e no castro do Monte Facho (Cangas). Son os primeiros dunha longa lista de dezaseis castros e restos arqueolóxicos nos que se realizarán diferentes actividades, en función das características de cada sitio, segundo aseguraron fontes da Deputación. Accións como a limpeza, mantemento, sinalización, difusión, escavación, musealización e dixitalización, que procurarán, segundo as mismas fontes, "contar historias diferentes e complementarias" entre uns e outros xacementos.

Os castros visitables serán: Castrolandín (Cuntis), Altamira (As Neves); Cruz do Castro (Cotobade), Castro Alobre (Vilagarcía de Arousa), Adro Vello (O Grove) monte Castro (Ribadumia), A Lanzada (Sanxenxo) Castro da Cividá (Marín), As Croas (Pontevedra), monte do Facho (Cangas), Punta do Muíño do Vento e Vigo (Vigo), A Troña (Ponteareas), Torroso (Mos), alto dos Cubos (Tui), Santa Trega (A Guarda) e Igrexa Vella (Valga).