O Facho de Donón, un promontorio sobre a Costa da Vela, en Cangas do Morrazo, é o novo Ben de Interese Cultural de Galicia. A Xunta decidiu outorgar a máxima categoría a este sitio arqueolóxico por mor de ser "unha zona arqueolóxica excepcional e única dentro do ámbito peninsular". O Facho de Donón reune asentamentos e outros espazos arqueolóxicos desde a Idade do Bronce ata a Antigüidade tardía, e mesmo acolle na aba do monte unha aldea abandonada antes do século XX. O máis chamativo do Facho de Donón é a existencia dun santuario dedicado ao deus Lar Bero Breo, ou Laribero, construído como un "bosque de aras" romanas orientadas cara o Océano Atlántico. A Xunta salientou que é o primeiro BIC outorgado a un "santuario de tradición prerromana".
A Xunta declara Ben de Interese Cultural o Facho de Donón
É a primeira declaración BIC dun santuario de tradición prerromana
2 lecturas | Compartido 0 veces
