O canteiro Xabier Garrido alertou das consecuencias das intensas chuvias de final de outubro sobre os petróglifos do río Vilar. A modificación da canle do río provocou o arrastre de pedras sobre dous importantísimos petróglifos da área de Oia: o de Auga dos Cebros, coa consecuencia de que un deles ficou soterrado e outro está a sufrir as erosións das correntes de auga. Os petróglifos representan embarcacións de factura mediterránea e permiten documentar a existencia de contactos entre o Mediterráneo e o Atlántico en datas moi temperás. Os dous petróglifos carecen de ningún tipo de protección fronte ás riadas e, en palabras de Xabier Garrido, están a verse moi afectados pola situación.
