As Xornadas de BD de Ourense entregan sábado os seus premios

As XXII Xornadas de Banda Deseñada de Ourense mudaron a data na que se entregarán os tradicionais premios. A Casa da Xuventude acolle sábado ás 12 horas a entrega do Premio Ourense á mellor iniciativa do ano no campo da Banda Deseñada, á revista Retranca. Pola súa banda, a entrega dos premios do certame Xuventude Crea 2010 atrásase ata as 17 horas do día 22. O gañadores destes galardóns son José Domingo Usted, coa obra Robot xigante levará os 3.000 euros do primeiro premio. Pola súa banda, Diego Blanco recibirá 1.500 euros por O Humor de Mr.T, mentres Miguel Cuba Taboada, terá os 1.000 euros do terceiro premio pola obra Ombre Umbre. Ademais, xa está dispoñible no web do evento a nova edición de O Fanzine das Xornadas, con información sobre o evento, artigos e historias inéditas.