Curtidoría e contorno do río Sarela (Camiño de Fisterra)
Arquitectura e paisaxe nos Camiños de Santiago. Este é o lema co que o Colexio Oficial de Arquitectos de Galicia (COAG) celebra o Día Mundial da Arquitectura. Neste ano Xacobeo, o COAG quere reivindicar o conxunto artístico e ambiental das rutas de peregrinación. Por iso, cada delegación escolle tres elementos destacados (a saber, obra tradicional, actuación contemporánea e espazo físico) da ruta de peregrinación que transcorre polos seus límites.
