Interrogantes sen resposta

A polenta son unhas características papas de fariña de maíz, aínda que nalgúns países tamén significa forza, potencia ou empuxe. Ambas as dúas foron constantes na vida de Aglaja Veterani, unha actriz rumana cunha historia persoal de abusos, malos tratos, desarraigamento e afán de superación. Ela contou a súa historia nunha novela (Por que o meniño se coce na polenta?), pero tamén tivo a ocasión de facelo en primera persoa en Santiago no ano 2000, cando participou nun encontro sobre literatura alemá. Daquela coñeceu a Roberto Leal que cando soubo do seu suicidio quixo contar a súa historia peneirando no seu libro. O resultado estréase este venres no Salón Teatro de Santiago (21:00 horas).

Da man do Centro Dramático Galego e de Sapristi Tatro xorde Por que o meniño se coce na Polenta? unha historia que conta a vida de Agaja, "a filla do Charlot de Romanía e Miss Josephine, a muller dos cabelos de aceiro” que se teñen que exiliar durante a ditadura de Ceaucescu e vive nunha caravana de circo. Así, a modo diario, Aglaja conta a súa vida de cando tiña trece anos na que afloran temas como a epxlotación infantil, os abusos, os malos tratos, o sexo, o desarraigamento ou a identidade propia. “É unha historia para contar, por iso cada ano se representa A polenta en países diferentes” asegura Roberto Leal. Nesta andaina Leal contou coa colaboración de Quico Cadaval (que adaptou o texto), Marta Pazos (responsable do espazo escénico e vestiario), Gustavo Dieste (axudante de dirección), Baltasar Patiño (deseño de iluminación), Nuria Sanz (actriz única deste espectáculo) e Nacho Sanz (responsable da música en directo).

A idade do por que?