Montse Rego reflexiona sobre a orixe do ser humano na súa última exposición

Unha novela de Doris Lessing, premio Nobel de Literatura do 2007, inspira a Montse Rego no que é a súa volta ao circuíto expositivo. Dez anos despois da súa primeira mostra individual, a artista regresa cunha mostra fotográfica arredor da orixe do ser humano, da fenda coa que se identifica a muller e que pretende simbolizar un punto de inflexión na súa traxectoria. A galería Goran Govorcin acolle esta exposición a partir do venres 13 e da que hoxe che ofrecemos un adianto.