Dous dos actores galegos máis recoñecidos, Ernesto Chao e Xosé Manuel Olveira, "Pico", xúntanse enriba das táboas na última montaxe de Lagarta,Lagarta. Baixo a dirección da veterá Rosa Álvarez, Aeroplanos pretende ser unha comedia de intriga, idealista, enxeñosa e de linguaxe sutil. A compañía asegura que "rir é unha defensa contra a angustia e, de maneira moi xeral, a comedia é o lugar de todos os alivios posibles".
