O audiovisual galego bate marcas de produción

Desde o 2003 ata o día de hoxe o audiovisual galego incrementou todas súas cifras. As de facturación (pasou de 161 millóns de euros a 221), as de número de empresas (de 352 a 411), as de xente que emprega (de 2.300 a 2.700) e de producións (de 101 a 273). Son as cifras que facilita (agás producción que as fixo públicas a Consellaría de Cultura) o Observatorio do Audiovisual que depende da Secretaría Xeral de Comunicación. Os datos que manexa o Observatorio evidencian que as televisións e o sector de animación obteñen cifras negativas (perden o dobre do que facturan), mentres que as empresas de dobraxe son as que amosan maior rendibilidade.