Debuxante e ilustrador que ten contribuído a incontábeis fanzines entre os que están "Baixochán", "Lixo", "El Macabro", "Changhai", "Hedoné", "La Carallada" ou "Carne Líquida". Colaborou nos números 2 e 3 da revista "BD Banda" con guións de Kike Benlloch. Coordinou o fanzine "Pilas, Condones y Cintas Vírgenes". É membro fundador do colectivo de creadores galegos de BD, Polaqia, contribuindo con tres historias ao álbum colectivo "Mmmh!!" e participando na revista "Barsowia" desde o seu primeiro número.

Palmarés
Obras súas foron premiadas nos certames de cómic de Arteixo´1999 e no de ilustración de Injuve´2003. Con "Desemprego" gañou o primeiro premio no certame de Ourense na súa edición do ano 2001 (II Certame Galego de Imaxe Artística - Xuventude 2001, modalidade BD, categoría de 19 a 22 anos). Por "Narcolepsia" concedéuselle o 2º premio do I Certame de Imaxe Artística Xuventude 2000 modalidade BD, cateogoría de 18 a 22 anos.

Formación específica
Licenciado en Belas Artes pola facultade de Pontevedra. Tamén completou os seus estudos de gráfica publicitaria na Escola Pablo Picasso de Artes e Oficios da Coruña.

---

---

---

  Noticias relacionadas