Ten desenvolvido a súa actividade maioritariamente no eido da ilustración e do humor gráfico. O seu debú monográfico en BD chegou coa obra Tolos, para a Universidade da Coruña. Colaborou no suplemento "Xatentendo.com" de "La Voz de Galicia" e traballa como debuxante nas edicións da Coruña e de Carballo deste xornal. Tamén fixo ilustracións e cómics para a Revista "Plis-Plas" (Radio Galega / Xunta de Galicia). Participou habitualmente na primeira etapa de "Golfiño", realizando pasatempos e a serie "Luzbell". Ademais contribuiu ás revistas "Sapoconcho" e mais a da Asociación de Profesores de Inglés de Galicia (APIGA). Ilustrou o CD Rom didáctico "Coas raíces no chan" da Consellaría de Medio Ambiente. Conduciu diferentes obradoiros sobre BD e expuxo obra en mostras do Museo do Humor de Fene.

Palmarés
No I Certame de Imaxe Artística Xuventude 2000 modalidade BD gañou o cuarto premio da categoría de 22 a 30 anos por "Cadenza".

---

---

---

  Noticias relacionadas