A literatura, a sociedade, a cultura... a emigración deixounos a súa pegada en diferentes ámbitos. Quizás o máis esquecido sexa o da arquitectura, por iso o Colexio Oficial de Arquitectos de Galicia presenta unha exposición e edita un libro sobre as influencias arquitectónicas da emigración en diversos concellos do noroeste.
Pegadas
Bezoucos, Ares, Cabanas, Fene e Mugardos son algúns dos obxectivos desta mostra que recolle as influencias arquitectónicas que a emigración en Indinana deixou nesta zona. Un traballo de catalogación e documentación que desenvolveu a sección de Ferrol do Colexio de Arquitectos de Galicia, dirixido e asinado por Carlos Ardá e Bernardo Anatol. Un grupo que escolleu a comarca de Ferrol debido á súa unidade territorial e social, marcados por unha relacións transoceánica.
Catálogo e exposición
A exposición inaugurarase o vindeiro xoves ás 8 da tarde e permancerá aberta ata o 7 de xaneiro. A mostra recolle unha exposición comparativa da arquitectura de Indiana e os seus referentes na península de Bezoucos. Ademais, xa está dispoñible o catálogo da exposición que analiza a materialización das obras arquitectónicas das obras dos emigrantes retornados de América. Unha exposición que amosa as características tipolóxicas e as escrituras de cada zona.
