O xurado, conformado por Armando Requeixo, Adolfina Mesa e Xosé Otero Canto, ademais de Martiño Maseda, salienta de Chernóbil revival "o seu propósito compositivo, onde destaca a estrutura en prosa poética alternando con outra estrutura versal máis clásica, e coa intencionalidade de brincar pontes entre espazos interiores e exteriores, nun xogo continuo de vibrantes imaxes, como un tránsito por lenzos abstractos de poesÃa, que desembocan nun corpus de reivindicación existencialista fronte ao cataclismo que se precipita sobre o tempo da vida".
Encol de Corpo da palabra, o fallo apunta que "partindo dunha estrutura compositiva máis clásica", "supón un reclamo emocional da linguaxe, da palabra na súa esencia máis Ãntima, para servir de expresión configuradora dunha realidade que nos viste e nos afecta".
Os galardóns que convocan o Concello de Cospeito, a Asociación Recreativo Cultural de San Martiño de Pino e Culturalia GZ, entregaranse este 22 de novembro no local social da parroquia de Pino.
