A escolma poética Da retranca dos teus ollos valeulle a Rafael Lobelle facerse co primeiro posto do XIV Premio de Poesía Díaz Jácome. O Concello de Mondoñedo acollía a pasada fin de semana o acto de entrega do galardón, dotado con 1.500 euros. Canda a el, resultaron gañadores nesta edición Juan Manuel Castiñeira Ramal, que levou o segundo premio con Petan na alma silencios e mais Andrea Maceiras, que obtivo o terceiro posto co micropoemario Auga lonxincua.
