Stephan Balkenhol inaugurará, o día 11 de xaneiro, a programación do Centro Galego de Arte Contemporánea (CGAC) para o 2001. Un ano que virá cargado de novidades nos que destaca unha exposición sobre a incoporación do automóbil a obra artística.
De entrada, Balkenhol
A primeira exposición achega por primeira vez en España a Stephan Balkenhol (Fritzlar, Alemania, 1957). Unha mostra que foi posible gracias á colaboración do IFA (Institut für Auslandsbeziehungen), de varias galerías e coleccionistas europeos ou do Museo de Arte Moderno de Francfort. Así, ata o 15 de abril se poderán ver en Compostela as pezas escultóricas recreadas por Balkenhol, así como diversas mostras fotográficas e de debuxo que foron para o artista un importante elemento auxiliar de traballo.
Primeiro trimestre
No primeiro cuarto do ano os automóbiles chegan ó CGAC para amosar a súa entrada na pintura española do S.XX. Unha mostra divididada en tres períodos cronolóxicos que compartirán espacio cunha retrospectiva de Vari Caramés (Ferrol, A Coruña, 1953). O trimestre remata coa exposición da escultura, pintura e arquitectura de Juan Navarro Baldeweg (Santander, 1939).
O resto do ano
A partires de abril chegarán a Compostela Peter Wüthrich (Berna, Suiza, 1962), Efrain Alemida (Céara, Brasil, 1964), Pamen Pereira (Ferrol, 1963), Jorge Castillo (Pontevedra, 1933) e Gillian Wearing (Birmingham, 1963) entre outros que amosarán novas tendencias dentro das diferentes disciplinas artísticas. Un ano no que destaca o intimismo e as abstraccións como fío de unión entre as diferentes obras de diferentes localidades e orixes.
