Setenta pezas de diferente orixe compoñen a mostra "Iconografía xacobea no gravado compostelán" que, dende onte, se poderá ver no Museo do Pobo Galego. Unha exposición que organiza o propio museo en colaboración coa Consellería de Cultura.
Orixe diversa
As setenta obras que se exhiben na mostra recollen o traballo de Bouza-Brey, parte do fondo de Antonio Fraguas e do Museo de Pontevedra, unha diversa procencia que pretende recoller a historia do gravado comprendido entre o século XVI e o XIX. A mostra complétase coa probas documentais (artigos e monografías) que ofrecen unha visión máis completa sobre a historia do gravado no noso país, dende a súa primeira aparición ata a súa evolución.
Historia
Os obxectos exhibidos na exposición gozan, ademais do seu valor como gravado, dun importante carácter documentalístico. Neste sentido, todo aquel que se achegue ata o museo do pobo galego poderá apreciar unha bula do Hospital Real, o actual Hostal dos Reis Católicos, de 1503, así como un documento do colexio de Santiago de Dublín. A partires de 1601 os gravados créanse en Galicia, trala aparición da primeira imprenta.
Ademais, a mostra exhibe a iconografía referida ó apóstolo Santiago e todo o referente ó culto xacobeo.
