A sede luguesa do Colexio de Arquitectos de Galicia (COAG) acolle desde onte unha exposición de parte dos fondos da biblioteca do arquitecto racionalista Eloy Maquieira, morto en 1944. Desde o Colexio de Arquitectos salientouse a importancia de Maquieira como expoñente da corrente racionalista na arquitectura galega, e quere coa mostra que se valoricen os edificios deste estilo e se promova a súa conservación.
Fondos
A exposición comprende parte dos fondos da biblioteca do arquitecto, recuperada pola Comisión Cultural do COAGA logo de negociar coa famlia. A mostra comprende setenta e oito libros, setenta e ous álbumes de láminas e mil noventa e unha revistas. Entre os fondos, destacan fotografías de obras de Le Corbusier, Albert Speer ou o proxecto gañador do concurso para deseñar o Val dos Caídos.
Eloy Maquieira
Maquieira naceu en 1902 en Pontevedra e faleceu prematuramente en Madrid en 1944. Desde 1923 desenvolveu o cargo de arquitecto municipal en Lugo onde realizou co seu estilo racionalista característico edificios como o instituto Xoan Montes, o sanatorio Pimentel ou o Mercado Municipal, rompendo co clasicismo habitual na cidade.
