O xornal La Voz de Galicia comezará en setembro a distribución de corenta obras en castelán de autores de orixe galega

Tal como fixera no ano 2002 coa literatura en galego a través da Biblioteca 120 o xornal La Voz de Galicia comezará en setembro a distribuír títulos en castelán de autores de orixe galega e de todos os xéneros literarios e a baixo prezo. Entre os corenta títulos que a Biblioteca Gallega de Autores en Castellano, tal é o nome da colección, lanzará ao mercado están obras de escritores clásicos e contemporáneos como Valle Inclán, Cela, Fernández Flórez, Eugenio Fernández Granell, Rosalía, Otero Pedrayo e Cunqueiro entre outros. Tamén a máis recente creación estará representada con obras de Susana Fortes, Marta Rivera,ou Salvador de Madariaga, entre outros. O xornal agarda obter un éxito similar ao conseguido coa Biblioteca 120, da que se venderon seis millóns de exemplares e que foi obxecto de críticas desde o sector libreiro pola perda de ventas que segundo eles supuña para estes establecementos.

Máis información La Voz de Galicia