O son deste traballo, totalmente instrumental, o músico defÃneo "como electrónica, con boa carga melódica, ritmos movidos e, sobre todo, positiva e motivacional. Non teño nin un só tema depresivo, ou unha balada. Si que hai algúns temas que posúen matices escuros, outros macarras e agresivos, pero a conxunción entre a percusión e as melodÃas nutridas que uso, sempre tentan emocionar mediante resolucións maiores, aumento do número de instrumentos de percusión. Sempre me gustou a música que che sobe ata arriba do todo. Neste álbum decidÃn pisar un pouco o freo e centrarme máis na carga melódica". A súa composición foi fundamentalmente enfocada ao directo, unha decisión que xa fai saborear ese momento ante a expectativa de poder gozar bailando estas detallistas composicións ao vivo. Cada unha das pistas do disco representa, segundo Nüca, unha emoción como factor desencadeante, desde o sobrio 'Must be an anthem', ata os moi bailables como 'Ging" ou 'Quite', pechando o disco 'Problems', un Drum&bass. Ademais inclúese un bonus track (non dispoñible en todas as plataformas) 'Deep cumbia', un tema que aparece pola súa inclusión na pelÃcula francesa 'A Historia de Souleymane' (2024).
Con respecto ao nome do disco, conecta directamente co mundo dos videoxogos: "Slow Missiles é unha habilidade pasiva do videoxogo 'Diaño II'", explica nun texto recollido por Fernando Fernández reco, de Ferror Records. O tema homónimo é, para o artista, "o tema fundamental do disco, e probablemente o meu favorito, polo que decidÃn que tamén fose o nome do álbum, ademais de que me gusto a idea de definir o disco como unha chea de auténticos canonazos", asegura.
