Os Premios EMHU recaeron nesta xeira en Eva Hache, Franco Escamilla e Marta González de Vega. Eva Hache recibirá o galardón Wenceslao Fernández Flórez, polo seu labor a prol da difusión do humor. O premio "Fenómeno" para artistas capaces de enfrontar "xestas humorísticas sen precedentes" levouno nesta xeira Marta González de Vega, como "unha das escritoras máis de comedia máis importantes" do Estado. Finalmente o premio Castelao foi para o mexicano Franco Escamilla en recoñecemento ao seu éxito internacional.
No programa destacan as estreas a nivel estatal dos espectáculos El unipersonal de Lucho Mellera y TLATOANI, con Carlos Ballarta. No ámbito galego preséntanse as propostas Apocalípticamente correcto, con Luis Piedrahita, La Chochoctora, con Henar Álvarez, e Show 1995, con Franco Escamilla. Tamén é novidade absoluta El Show de la Fantasy House, que se dá a coñecer como "primeira comedia dirixida específicamente a público familiar" no encontro.
Fan parte tamén da iniciativa espectáculos recoñecidos a nivel estatal como Esto no es un show, La Ruina ou 17 veces. A estes súmanse as habituais propostas de produción produción propia Humoris Causa que reunirá por vez primeira a Carlos Blanco, Goyo Jiménez, Marta González de Vega e Xosé A. Touriñán e Fantastic Colofon, no que estarán presentes Ana Morgade, Álex Clavero e JJ Vaquero. Tamén se desenvolverá unha nova sesión de Match de Impro centrado na improvisación humorística.
No ámbito do debate e a reflexión celebraranse as mesas redondas Castelao na arte europea, con Siro López e Olivia Rodríguez, e mais Anatomía do Humor. Unha visión científica do fenómeno da risa coas figuras da divulgación científica Javier Santaolalla, José Luis Crespo (Quantum Fracture) y Rocío Vidal (La gata de Schrödinger).
Dentro da programación paralela, a exposición ao aire libre Guonderful Forges. Los Años de la Esperanza permitirá coñecer traballos do humorista gráfico Antonio Fraguas realizados durante a transición e poderá verse ata o vindeiro 4 de maio no Cantón Grande.
