Segundo denuncia a CRMH, neste perÃodo "non se desenvolveu ningún dos aspectos acordados polo Estado no documento. Nin sequera se constituÃron de xeito formal as comisións previstas (unha de seguimento e outra técnica)". Ademais a entidade destaca que "as actuacións e permisos para realizar actividades no Pazo de Meirás non se someten a ningún protocolo (nin ao que incumpre o estado nin a ningún outro criterio), polo que as decisións sobre o que se autoriza facer en Meirás é absolutamente arbitrario, cando non se denega todo por sistema".
Os incumprimentos afectan tamén o horario de visitas establecido para o monumento desde a súa declaración como Ben de Interese Cultural en 2008. "Desde que o Estado tomou posesión (en execución provisoria de sentenza) do Pazo de Meirás (decembro de 2020) decidiu pechar ás visitas a calquera dependencia interior do Pazo", explica a CRMH, que lembra que cando o ben estaba en mans da familia Franco tamén se producÃa un incumprimento reiterado da Lei de Patrimonio neste sentido.
Finalmente, a CRMH denuncia que non se avanzou na proposta de dotar de contidos sobre memoria histórica este espazo, e sinala que a exposición de paneis que actualmente alberga o pazo conta con inexactitudes. AsÃ, na mesma menciónase unha "expropiación forzosa" pola que o Estado se fixo coas terras do conxunto, a obviar a ocupación e as presións que sufriron os propietarios. Tamén é crÃtica a entidade cunha referencia a represión datada en 1935, antes do golpe de estado que iniciou a Guerra Civil española.
