Os dous traballos que se fixeron co Premio Castelao de Banda Deseñada na categoría infantil e xuvenil en 2023 e 2024 están a chegar nestas datas ás librarías. Aira Editorial presenta A raíña cadáver, a obra coa que Laura Suárez obtivo o galardón en 2024. Mentres, Cristián F. Caruncho anuncia O día de San Martiño, gañadora da edición anterior do premio que convoca anualmente a Deputación da Coruña.
A raíña cadáver recrea a lenda de Inés de Castro, galega que foi raíña de Portugal despois de morta, nunha obra de 56 páxinas. Pola súa banda, en O día de San Martiño, Caruncho volta á súa ambientación de Rego Torto para presentar un western galaico de 100 páxinas con "porcos bravos bandoleiros, sheriffs de Medio Rural e a vellos personaxes" como Cabaciña e Cabazote ou Salustio que xa apareceran noutras obras do autor. A obra está autoeditada.
