A coincidir coa fin de semana expandida do Día das Letras Galegas, o país énchese de actividades para lembrar a Luísa Villalta e conmemorar a nosa lingua. A Coruña centra boa parte da atención, co pleno da Real Academia Galega no Teatro Rosalía de Castro como evento central. Ana Romaní, Margarita Ledo e Euloxio R. Ruibal intervirán nun acto no que a violinista da Real Filharmonía de Galicia Kiyoko Ohashi e a cantante e poeta coruñesa Estíbaliz Espinosa correrán co apartado musical.
Ademais, nese 17 de maio a Casa do Concello acolle a inauguración de Luísa Villalta. A música das palabras. Esta exposición promovida pola Xunta de Galicia e o Concello da Coruña, conta con comisariado de Xesús Domínguez Dono e foi producida por Merlín Comunicación. O proxecto repasa, en 14 paneis acompañandos de varias vitrinas con obras e obxectos persoais, a traxectoria da homenaxeada no Día das Letras. Xa na véspera, a cidade acolle tamén o Concerto das Letras do Consello da Cultura Galega, ademais dun acto de homenaxe da man da Asociación Cultural Alexandre Bóveda coa presenza de Ana Pillado, Marga do Val e Pilar García Negro.
Ferrol contará tamén cunha gala musical polo Día das Letras este domingo 19 con actuacións do Coro Toxos e Froles e de Airiños de Fene. No acto estrearase unha obra de Juan Durán da man do barítono Gabriel Alonso e da soprano Clara Jelihovschi.
A Biblioteca de Galicia na Cidade da Cultura abre o día 16 a exposición biobibliográfica Luisa Villalta, a memoria dos sons, que se poderá ver ata o vindeiro mes de setembro. Tamén Santiago de Compostela celebra a data con roteiros literarios e representacións das obra Made in Galiza de Sarabela Teatro, e o recital multidisciplinar Ritos de resistencia con Eva Veiga, Bernardo Martínez e Fito Ares o día 18.
En Ponteceso a Fundación Pondal enche de actividades a aldea do Couto un ano máis. Un roteiro pondaliano o día 16 dará paso no propio Día das Letras a un programa que inclúe gaitas, misa en galego, a entrega dos premios Bos e Xenerosos, unha mostra de libro e artesanía ou a música da Banda Xangai. En Boiro, pola súa banda, ten lugar a XIII Romaría das Letras no Barbanza, da man da Asociación Barbantia. Música, teatro, presentacións literarias e postos de artesanía e de produtos culturais combínanse nesta proposta.
Pola banda de empresas, como é habitual, a empresa de supermercados Vegalsa-Eroski publica carteis conmemorativos que se poderán atopar nos seus establecementos canda a unha tiraxe de bolsas dedicadas á autora homenaxeada. Gadis, pola súa banda, distribuirá 30.000 exemplares dun caderno con actividades "para descubrir curiosidades dos escritores desta terra" canda a marcapáxinas e bolsas de papel conmemorativas.
As adegas Viña Costeira súmanse á cita da man da Asociación de Escritoras/es en Lingua Galega e programan unha cata e visita ás súas instalacións coa participación de diferentes nomes das letras do noso país, como Nuria Fernández, Óscar Vázquez Lima, Montse Villar, Almudena Santamaría, Maite Mosconi e Beto Luaces.
Afundación, á súa vez, publicou no seu web un especial didáctico sobre a data que inclúe un conto interactivo e unha roda de letras con propostas que van desde cuarto de primaria ata persoas adultas.
Ferrol contará tamén cunha gala musical polo Día das Letras este domingo 19 con actuacións do Coro Toxos e Froles e de Airiños de Fene. No acto estrearase unha obra de Juan Durán da man do barítono Gabriel Alonso e da soprano Clara Jelihovschi.
A Biblioteca de Galicia na Cidade da Cultura abre o día 16 a exposición biobibliográfica Luisa Villalta, a memoria dos sons, que se poderá ver ata o vindeiro mes de setembro. Tamén Santiago de Compostela celebra a data con roteiros literarios e representacións das obra Made in Galiza de Sarabela Teatro, e o recital multidisciplinar Ritos de resistencia con Eva Veiga, Bernardo Martínez e Fito Ares o día 18.
En Ponteceso a Fundación Pondal enche de actividades a aldea do Couto un ano máis. Un roteiro pondaliano o día 16 dará paso no propio Día das Letras a un programa que inclúe gaitas, misa en galego, a entrega dos premios Bos e Xenerosos, unha mostra de libro e artesanía ou a música da Banda Xangai. En Boiro, pola súa banda, ten lugar a XIII Romaría das Letras no Barbanza, da man da Asociación Barbantia. Música, teatro, presentacións literarias e postos de artesanía e de produtos culturais combínanse nesta proposta.
Pola banda de empresas, como é habitual, a empresa de supermercados Vegalsa-Eroski publica carteis conmemorativos que se poderán atopar nos seus establecementos canda a unha tiraxe de bolsas dedicadas á autora homenaxeada. Gadis, pola súa banda, distribuirá 30.000 exemplares dun caderno con actividades "para descubrir curiosidades dos escritores desta terra" canda a marcapáxinas e bolsas de papel conmemorativas.
As adegas Viña Costeira súmanse á cita da man da Asociación de Escritoras/es en Lingua Galega e programan unha cata e visita ás súas instalacións coa participación de diferentes nomes das letras do noso país, como Nuria Fernández, Óscar Vázquez Lima, Montse Villar, Almudena Santamaría, Maite Mosconi e Beto Luaces.
Afundación, á súa vez, publicou no seu web un especial didáctico sobre a data que inclúe un conto interactivo e unha roda de letras con propostas que van desde cuarto de primaria ata persoas adultas.
