Un equipo de mergulladores formados por membros da Armada e da Policía Autonómica, co apoio de especialistas da Dirección Xeral de Patrimonio, recuperaron do fondo mariño próximo a Corrubedo dúas pezas de artillaría de bronce. Os canóns, que se datan no século XVI, rescatáronse canda a tres cargadores do mesmo período e son pezas de pequeno calibre, cuns 140 centímetros de lonxitude e sesenta quilos de peso.
As pezas foran localizadas en 2021 no mesmo lugar onde xa se recuperaran con anterioridade otros tres canóns, pero o seu rescate demorara ata este dous de febreiro. O conxunto de pezas suponse que facían parte dun dos barcos que participou da flota e Martín Padilla, coa que Felipe II tentou intervir en Irlanda a finais do século XVI, segundo sinalou o arqueólogo Miguel Sanclaudio ao Diario de Arousa.
As pezas trasladaranse agora á sede da Armada en Ferrol para o seu exame e catalogación, e con posterioridade levaranse ao Museo do Mar, en Vigo, para aplicarlles o tratamento necesario para a súa conservación.
