O PACC de Lansbrica recompila os 10 achados arqueolóxicos máis relevantes do ano

Como xa é habitual, a conta en Twitter do Parque Arqueolóxico da Cultura Castrexa de San Cibrán de Lás (@PACC_San_Cibran) fai un repaso dos 10 achados arqueolóxicos máis relevantes do ano en Galicia. Desta volta, destácase a identifición dun cairn en A Muradella, entre A Pobra do Brollón e Monforte, a aparición dun conxunto de fornos galaicorromanos no rural arzuán nun excelente estado de conservación, o conxunto de calzado medieval localizado durante a intervención no mosteiro de Santa Cristina de Ribas de Sil, a embarcación medieval localizada na ría de Ribadeo, o henge investigado en Outeiro Grande (Lalín), no que se localizou madeira carbonizada que permitirá datar con precisión fases do monumento ou un tesouriño con 200 moedas do século IV d.C. localizado no castro da Illa de Ons (Bueu), entre outras temáticas.