José Luis Mascareñas ingresa na Real Academia Galega de Ciencias

O científico José Luís Mascareñas (Allariz, 1961), catedrático de Química Orgániza da USC lerá hoxe o seu discurso de ingreso como membro numerario da Real Academia Galega de Ciencias. O pazo de San Roque en Santiago acollerá este acto formal ás 19:00 horas. O químico fará versar esta intervención no tema ' Ciencia, Catálisis e Vida". Corresponderá ao tamén académico Franco Fernández González dar resposta desde a institución.

José Luís Mascareñas recibiu en 2009 o premio de Química Orgánica da Real Sociedade de Química e posteriormente foi distinguido coa Medalla de Ouro 2015 da Real Sociedade Española de Química (RSEQ). Ademais, é membro da academia europea das ciencias -desde 2016- e presidente fundador do grupo de química biolóxica da RSEQ. Doutorouse pola Universidade de Santiago no ano 1988. Trala súa etapa post doutoral na Universidade de Stanford, baixo a supervisión do Profesor Paul Wender, en 1993 pasou a ser Profesor Titular da USC. É catedrático desde 2005, nesta mesma Universidade. Foi científico visitante nas Universidades de Harvard (USA, 1992 y 1995), Cambridge (UK, 2009) e no MIT (USA, 2013). Os seus intereses de investigación actuais divídense entre un programa de síntese, centrado no desenvolvemento de novos procesos catalizados por metais, e un programa en bioorgánica orientado ao desenvolvemento de ferramentas sintéticas capaces de actuar a nivel biolóxico.