Falece o documentalista valenciano LLorenç Soler

O cineasta valenciano Llorenç Soler falecía este martes 8 de novembro en Barcelona aos 86 anos de idade. Soler fixérase moi coñecido en Galicia polo seus traballos de documental nos que abordou importantes conflitos sociais que se deron no noso país nos últimos anos 70. Deste xeito, títulos como Autopista, unha navallada á nosa terra (1977) e O monte é noso (1978) amosaron unha perspectiva do país pouco vista ata entón e marcaron a historia do xénero no audiovisual galego.

Ademais destes filmes, Soler asinou tamén Gitanos sin romancero (1976) sobre o asentamiento xitano do Vao en Pontevedra ou El hombre que sonreía a la muerte (1993-2006) no que abordou a loita de Ramón Sampedro a prol da eutanasia. En 2009 lanzou o filme La mirada de Anna, na que repasaba o traballo que a súa parella, a fotógrafa Anna Turbau, realizou a partir de 1976 no noso país.

Soler recibira en 2006 a Medalla de Ouro da Academia Galega do Audiovisual en recoñecemento ás súas contribucións ao cinema galego. No web do Cineasta poden verse vídeos de moitas das súas producións.


O monte é noso


Autopista, unha navallada á nosa terra


La mirada de Anna