Un encontro internacional de mulleres da escena reúne a 30 creadoras en Vigo

Verín acolle o IV Ciclo de Cinema galego-portugués co lema Mulleres, patrimonios, sociedade

Verín acolle o IV Ciclo de Cinema galego-portugués co lema <i>Mulleres, patrimonios, sociedade</i>
A Casa das Artes en Vigo acolle entre os día 25 e 27 de outubro MEI 2022. I Encontro Internacional de mulleres da escena en igualdade. A asociación Clásicas e Modernas coordina esta iniciativa que, baixo o lema Creando redes por unhas artes escénicas en igualdade reúne unha trintena de creadoras, directoras, produtoras, xestoras e dramaturgas.

Nomes coma Marta Pazos, Jill Greenhalgh, Carme Portaceli, Katerina Evangelatos, Fefa Noia, Lydia Koniordou, Mariana Araoz, Sylvie Mongin-Algan, Anxeles Cuña, Francesca Rayner, Barbara Wilczek-Ekholm ou Maria Aberg, participan da iniciativa en diferentes conferencias, mesas redondas e actividades. No programa inclúense ademais as pezas Duelirium de Raquel Oitavén; Intempestiva, de Grupo Elahood; As Fillas Bravas, de Chévere canda a accións escénicas a cargo de Esperanza Mara e Silvia Penas.

A coincidir con este encontro desenvolverase a xuntanza de constitución do grupo de traballo para a creación da Rede Europea de Mulleres da Escena, un tecido que pretende facilitar a produción e a circulación de mulleres dentro de circuítos continentais. No grupo participan mulleres de España, Francia, Grecia, Portugal, Reino Unido e Suecia.

As mulleres son tamén o eixe do IV ciclo de cinema galego-portugués que o Consello da Cultura Galega celebra en Verín entre os días 27 e 29 deste mes. Co título Mulleres, patrimonios, sociedade a iniciativa céntrase "no papel das mulleres no mundo da morte e da dor que se ergue cunha forte carga patrimonial e social, un mundo que une moitos territorios do rural galego e portugués, onde presenta características comúns arredor do papel da muller, as crenzas e os ritos, mais tamén algunhas diverxencias".

O programa inclúe longametraxes coma A Metamorfose dos Pássaros, de Catarina Vasconcelos, Negro púrpura de Illa Bufarda, canda ás curtas A menina que vía homes encadeados, Arraigadas á terra, Santa Baia de Montes, Barbas de baleia, Agua mole, e Em companhia da morte.