O rastro dos colonos de Cíes

Remataron os traballos de posta en valor de varias estruturas habitacionais vinculadas á colonización das illas Cíes durante os séculos XIX e principios do XX. O equipo arqueolóxico, dirixido por Santiago Vázquez Collazo, dirixiu uns traballos de limpeza e catalogación das estruturas existentes nas zonas de Alto do Príncipe e Os Ferreiros. Trátanse de edificacións modestas de pedra, construídas en seco, que nalgúns casos aproveitaron as rochas naturais existentes para asentar parte dos seus muros. Na análise realizada polos arqueólogos, puidose documentar que os edificios tiñan chan de terra e contaban con pequenas dependencias auxiliares para gardar ferramenta ou pequenos animais. Nas estruturas, o equipo identificou lacenas de almacenaxe, posibles fornos e un curioso hórreo de tipoloxía inédita, que contaba mesmo cunha pequena zona baixo terra para almacenaxe. As vivendas poden estar relacionadas coa repoboación de Cíes no século XIX coa introdución das novas fábricas de salga e pesca.