Fernando Fraga: cando os galegos descubrimos por que as Rías Baixas eran tan produtivas

Fernando Fraga tiña 97 anos cando varios investigadores do Centro Oceanográfico de Vigo e o divulgador Manuel Vicente o entrevistaron en xullo de 2019. Hoxe, unha versión editada de 15 minutos desa entrevista inédita sae á luz como a primeira emisión do podcast Voces da ciencia que o Consello da Cultura Galega e a Asociación Galega de Comunicación de Cultura Científica e Tecnolóxica (Divulgacción) inician e que terá periodicidade mensual. O podcast permitirá coñecer a algunhas das grandes figuras científicas da Galicia do século XX na súa propia voz, coñecendo o seu itinerario vital e biográfico. O programa iníciase o 8 de outubro, Día da Ciencia en Galicia, coa voz do químico Fernando Fraga, un dos investigadores máis recoñecidos no ámbito oceanográfico. Fraga (Santiago de Compostela, 1922 - Nigrán, 2020) foi un químico que dedicou boa parte da súa carreira investigadora aos océanos. De feito, dicían os seus colegas que “tiña o océano na cabeza”. Os seus traballos permitiron escribir por primeira vez como o afloramento costeiro é o causante da altísima produtividade das Rías Galegas. A figura de Fernando Fraga é pouco coñecida e recoñecida malia ser un dos grandes nomes da oceanografía química internacional.

Fernando Fraga (Santiago de Compostela, 1922 - Nigrán, 2020) foi un químico que dedicou boa parte da súa carreira investigadora aos océanos. De feito, dicían os seus colegas que “tiña o océano na cabeza”. Os seus traballos permitiron escribir por primeira vez como o afloramento costeiro é o causante da altísima produtividade das Rías Galegas. A entrevista que abre este proxecto é unha das últimas que concedeu e dos poucos rexistros sonoros que existen coa súa voz.