Suso de Toro gaña o premio Follas Novas de narrativa con 'Un señor elegante'

Nunha cerimonia que recuperou a presencialidade dos finalistas e retransmitida para o público, entregáronse os premios Follas Novas do Libro Galego, nova denominación para os anteriores Premios Gala do Libro, uns galardóns que acadaron este ano a sexta edición. Oito editoriais diferentes reparten os recoñecementos ás obras publicadas. O Salón do libro Infantil e Xuvenil de Pontevedra acadou o premio á Iniciativa fomento da lectura e Suso de de Toro recibiu o Follas Novas a mellor obra de narrativa pola súa novela sobre a familia Baltar en "Un señor elegante" (Edicións Xerais de Galicia), tamén resultaron premiados traballos de Xurxo Mariño, Elvira Riveiro Tobío, Aurora Marco e na Romaní, entre outros. A gala foi conducida por Quico Cadaval coa participación do cuarteto de saxofóns da Banda Municipal de Música de Santiago. Os premios están organizados pola Federación de Librarías de Galicia, a Asociación de Escritoras-es en Lingua Galega e a Asociación Galega de Editoras.

Na súa intervención, o novo presidente da Federación de Librarías de Galicia, Ramón Domínguez, falando en representación das tres entidades organizadores explicou algunhas das circunstancias nas que vive o mundo do libro en xeral e os premios en particular desde o inicio da pandemia. Domínguez sinalou que a crise sanitaria "ten afectado sensiblemente a tódalas actividades vencelladas a cultura, limitando e mesmo cancelando innumerables eventos nos últimos tempos. Por iso, este ano estamos felices por contar hoxe coa presenta física dos finalistas en cada una das 15 categorías, que representan a excelencia das notas letras". Engadiu o presidente que o mundo do libro "é un ecosistema complexo. Un dos seus principais valores é a diversidade. Galicia conta con un tecido libreiro de calidade, grandes librerías e excelentes profesionais. O noso compromiso co libro, demóstrase nun dato revelador, temos a maior densidade de librerías por habitante de todo o territorio nacional. Pero este realidade non sería posible sen a enorme aportación que tanto autores como editores pon o noso dispor". A gala ao completo está dispoñible na canle de YouTube do premios.
Premios de honra
Premio da Asociación de Librarías de Galicia: Manuel Arenas
Escritor Galego Universal: José Luandino Vieira
Premio da Asociación Galega de Editoras: Xulio Amigo

Listado de gañadoras
Ensaio e Investigación
Irmandiñas (Edicións Laiovento). Aurora Marco
Divulgación
Unha mente que voa (Edicións Xerais de Galicia), Xurxo Mariño
Narrativa
Un señor elegante (Edicións Xerais de Galicia), Suso de Toro
Infantil
Mar de Mazá (Editorial Galaxia) Elvira Riveiro
Xuvenil
O mal querer (Baía Edicións), Natalia Carou
Libro ilustrado
Contrahistoria de Galicia (Edicións Embora) Rita Gutiérrez (Ilus)
Banda Deseñada
O derradeiro libro de Emma Olsen (novela gráfica) (Editorial Galaxia). Pablo Prado
Iniciativa Bibliográfica
A lavandeira de San Simón (Edicións Xerais de Galicia). Eva Mejuto/Bea Gregores (Ilus)
Tradución
A nosa negra (Hugin e Munin), Harriet E. Wilson, tradución de María Reimóndez
Poesía
A Desvértebra (Chan da Pólvora), Ana Romaní
Teatro
Só un home bo (Edicións Positivas), Raúl Dans
Libro mellor editado
Nós Outras, (Chan da Pólvora) Marica Campo e Menchu Lamas
Iniciativa fomento da lectura
Salón do Libro Infantil e Xuvenil de Pontevedra
Proxecto literario en rede
Galicia encantada, coordinada por Antonio Reigosa
Xornalismo Cultural
Montse Dopico