Cacharro datado no Neolítico final localizado nas Covas da Trapa. Fonte: Cuaderno de Estudios Gallegos
A emblemática revista Cuadernos de Estudios Gallegos chega ao seu número 133 correspondente a 2020 con artigos de investigación de diferentes periodos históricos, así como recensións sobre a actualidade das monografías históricas. Entre os numerosos artigos deste número, sobrancea a agardada publicación dos resultados da investigación nas Covas da Trapa, no monte Aloia, unha profunda cavidade natural na que foron localizados restos arqueolóxicos desde o Neolítico ata a Idade do Bronce, a cargo de Eduardo Méndez-Quintas e un nutrido equipo de investigadores e colaboradores. Tamén Ana Varela achégase aos plateiros composteláns de principios do século XIX ou membros do colectivo romanarmy publican os resultados da campaña arqueolóxica no recinto campamental romano de A Penaparda (A Fonsagrada, Lugo).
