O plan está estruturado en nove áreas de traballo: asociacións, deporte, lecer, industrias culturais, familia, formación continua, ensino, comunicación dixital e redes sociais e economía, cada unha das cales conta con medidas específicas ás que se suma unha serie de propostas transversais.
Segundo recolle o texto do plan, as medidas propostas son as seguintes:
MEDIDAS XERAIS
- XE.1 Desenvolvemento de campañas de sensibilización e de difusión de información
sobre a lingua galega na mocidade: situación actual, evolución, previsións futuras,
tópicos etc.
- XE.2 Promoción e posta en valor das vantaxes do galego como lingua que abre as
portas á lusofonía.
- XE.3 Desenvolvemento dun programa de voluntariado lingüístico, no que se inclúan
actuacións como a posta en marcha de procesos participativos para recoller propostas
de dinamización do galego no eido da mocidade, e promover a súa difusión e
dinamización.
- XE.4 Apoio a publicacións e ferramentas de información e comunicación en galego,
en soporte dixital ou en papel, que difundan as actividades de interese para a
mocidade.
- XE.5 Aumento da coordinación cos órganos e entidades da Xunta de Galicia, así como
con outras administracións para o desenvolvemento de actividades e o aproveitamento de sinerxías.
- XE.6 Establecemento dun programa de actuacións específicas que faciliten a
incorporación ao galego da mocidade, especialmente dirixidas a neofalantes,
xuventude de fóra de Galicia, grandes cidades, mocidade castelanófona, transmisión
familiar ou uso das TIC.
- XE.7 Creación dun espazo informativo destinado á mocidade sobre temas de lingua,
no que se inclúan recursos como produtos para o lecer e xogos en galego, ferramentas
tecnolóxicas etc.
- XE.8 Apoio ás empresas e ás entidades que ofrecen produtos e servizos de interese
para a mocidade para que fagan a súa oferta en galego.
6.2 ASOCIACIÓNS
- AS.1 Fomento da implicación de asociacións e colectivos dos diferentes sectores
sociais para alcanzar compromisos e desenvolver accións que impulsen o uso e a
normalización do galego.
- AS.2 Promoción do establecemento de relacións, redes e colaboracións entre as
asociacións que empregan o galego.
- AS.3 Apoio e recoñecemento para as asociacións e os colectivos que xa están
desenvolvendo actividades en galego, para que melloren e estendan a súas prácticas.
6.3 DEPORTE
- DE.1 Fomento coas federacións e clubs, entre outras entidades deportivas, da
utilización do galego nas actividades deportivas de afeccionados e profesionais e na
formación técnica, así como difusión do material terminolóxico necesario para o seu
desenvolvemento en galego.
- DE.2 Establecemento de acordos coas entidades deportivas (clubs, federacións etc.)
co obxectivo de incorporar o galego ás súas comunicacións e impulsar o respecto á
toponimia galega, así como con deportistas de elite galegofalantes para que fagan
sempre en galego as súas declaracións aos medios.
- DE.3 Apoio aos medios de comunicación para que usen o galego na información
deportiva.
- DE.4 Desenvolvemento dunha campaña dirixida a programas e proxectos de
actividade física e deportiva na que se vincule o exercicio físico coa lingua galega.
6.4 LECER
- LE.1 Fomento da presenza e o uso do galego nos espazos e ámbitos sociais de máis
impacto para a mocidade (centros comerciais, tendas de roupa, bares, pubs,
discotecas...).
- LE.2 Fomento da utilización do galego nos espectáculos, actuacións e actividades de
lecer (concertos, campamentos, obradoiros...) e establecemento de acordos de
colaboración con organizadores e asociacións profesionais e cos intermediarios
artísticos.
- LE. 3 Impulso dunha oferta ampla de actividades de lecer en galego e da aparición
nesta lingua de manifestacións dos xéneros e a estética que hoxe teñen éxito entre a
mocidade urbana.
6.5 INDUSTRIAS CULTURAIS
- IC.1 Promoción da utilización habitual do galego nos contidos e canles de
comunicación baseados nas TIC: web, redes sociais etc.
- IC.2 Establecemento de acordos para dispoñer dunha oferta abonda e competitiva de
produtos culturais e audiovisuais en galego traducidos ou subtitulados, con especial
atención aos de grande éxito internacional.
- IC.3 Promoción da creación e a produción cultural en lingua galega, e fomento da súa
calidade e diversificación.
- IC.4 Impulso na CRTVG de programación de espazos de música, ciencia, cine,
reportaxes, series e debates de interese para a mocidade.
- IC.5 Establecemento de contacto coas canles de televisión e de radio locais para
incrementar o uso do galego nos programas destinados á mocidade.
6.6 FAMILIA
- FA.1 Realización dunha campaña para que as familias lles transmitan o galego aos
fillos/as e que a lingua galega se use nas interaccións familiares.
- FA.2 Ofrecemento de consellos e argumentos sobre a necesidade de aprenderlles
galego aos fillos/as nos materiais informativos para as familias que acaban de ter un
fillo/a.
- FA.3 Recomendacións destinadas aos responsables dos servizos persoais á familia
para que sexan dinamizadores do galego, completando a súa formación lingüística e
sociolingüística e de lecer.
6.7 FORMACIÓN CONTINUA
- FO.1 Promoción e desenvolvemento de recursos, materiais e accións de formación
lingüística e sociolingüística, especialmente para persoal (monitores, formadores,
adestradores etc.) que leve a cabo actividades destinadas á mocidade.
- FO.2 Establecemento de programas de formación e dinamización da lingua galega
entre os diferentes perfís e colectivos de poboación (neofalantes, inmigrantes etc.) e
impulso ao seu emprego en programas de educación non formal que axudan a
mellorar as capacidades da mocidade.
6.8 ENSINO
- EN.1 Realización dunha campaña de información e sensibilización específica ante o
uso do galego para os diferentes membros da comunidade educativa.
- EN.2 Posta en marcha dunha programación estable e periódica de actividades de
información e sensibilización sobre o uso do galego para os diferentes membros da
comunidade educativa e establecemento de acordos e convenios cando sexan
precisos.
- EN.3 Fomento e potenciación do uso da lingua galega no contorno escolar e
universitario e promoción de espazos de lecer en galego, con accións específicas e
urxentes para os contextos castelanófonos.
6.9 COMUNICACIÓN DIXITAL E REDES SOCIAIS
- CD.1 Potenciación das redes sociais como canle prioritaria de divulgación das
campañas da Administración destinadas á mocidade e das medidas de dinamización
lingüística postas en marcha no eido dixital.
- CD.2 Promoción da dispoñibilidade do galego nas interfaces dos sistemas dixitais,
especialmente dos máis empregados.
- CD.3 Promoción e apoio á creatividade no desenvolvemento de novas iniciativas nas
redes sociais e internet.
- CD.4 Apoio, recoñecemento e difusión dos proxectos dixitais que publican
integramente en galego.
- CD.5 Fomento do uso e a creación de contidos en galego en internet, especialmente na
Galipedia (Wikipedia en galego).
6.10 ECONOMÍA
- EM.1 Información á mocidade que vai acceder ao mundo laboral sobre temas
lingüísticos, para orientala no relativo ao uso das linguas neste ámbito (currículos,
entrevistas de traballo, comunicacións etc.).
- EM.2 Potenciación do uso e a normalización do galego nas entidades e servizos
relacionadas co emprego e o emprendemento, especialmente nos de máis contacto
coa mocidade.
- EM.3 Difusión dun documento de vantaxes do galego no eido empresarial entre a
mocidade e, especialmente, entre a mocidade emprendedora.
